Dep. Ed. South Cotabato ginaproseso ang dokumento nga i-donate na lang ang lupa nga ginatindugan sang ila nga opisina.

Ginaproseso sa subong sang South Cotabato Division Office ang mga dokumento agud nga pormal na nga madonar sa ila ang lupa nga ginatindugan sa subong sang ila nga opisina kag indi matuod nga magahalin sila sa nasambit nga area kag magabalhin sa banwa sang Surallah.
Ini matapos nga sang pagpungko niya suno kay South Cotabato Schools Division Supt. Isagani dela Cruz iya nadiskubrihan nga wala sang nakaptan nga papelis ang talatapan nga ila na gid ang lupa nga ginatindugan sang opisina amo nga wala ini nakainsured.
May-angot sini, ginkonsulta niya si Governor Daisy Avance Fuentes angot dire kag gin-advisan sila nga iproseso ang mga dokumento sa bulig sang Provincial General Services Office agud nga madonar na sa ila.
Suno pa sa iya ang lupa ang sakop pa sa gihapon sang Koronadal Central Elementary School nga wala pa man sadto anay sang problema sang indi pa nahimo nga syudad ang Koronadal.
Ginpahayag man ni Sir Dela Cruz nga magasulat sila sa Schools Division Supt. sang Koronadal tungod kinahanglan ang kasugtanan angot dire.