Pormal nga ginlunsar sang South Cotabato Division Office ang Oplan Balik Eskwela para sa School Year 2019-2020 sa diin nakamonitor ang mga division personnel agud nga mahibaluan ang mga problema, queries kag iban pa nga concern sa pag-abri sang klase.
Kadungan sini ginpahanumdom sang pamunuan sang South Cotabato Division Office ang no collection policy sa enrolment sang mga kabataan sa tanan nga mga pampubliko nga eskwelahan.
Suno kay Sr. Education Program Specialist Planning and Research Christopher Frusa nagaexister pa tubtob subong ang Dep. Ed. order angot sa no collection policy sa tanan nga balayran bisan sa PTA contribution sang nagligad pa nga school year amo nga dapat ipatuman gid.
Voice Frusa – no collection
May-angot sini, ginhatagan punto ni South Cotabato Schools Division Supt. Isagani dela Cruz nga indi pwede nga mangin balabag sa pagtuon sang mga kabataan ang mangin balayran.
Ginaawhag naman sini ang mga ginikanan nga kon may mga ekswelahan nga nagapanukot sa mga balayran sang nagligad nga tuig subong nga enrolment ang magsang-at lang sang pormal nga reklamo sa ila talatapan.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
