Department of Agriculture, nagpatayo ng mga babuyan sa bansa bilang tugon sa epekto ng ASF

Nagpatayo ang Department of Agriculture (DA) ng ilang swine multiplier farm upang maparami pa ang produksyon ng baboy sa bansa.

Ito ay matapos bumaba na ang kaso ng African Swine Fever (ASF) na naitala ng DA at unti-unti nang nakakabawi ang swine industry.

Kabilang sa mga swine multiplier farm na ipinatayo ay nasa Lipa, Batangas, Oriental Mindoro at Zamboanga City.

Ayon kay Bureau of Animal Industry (BAI) Director Reildrin Morales, 484 na lungsod at munisipalidad na ang walang naitatalang kaso ng ASF sa nakalipas na tatlong buwan.