Wala sang Pinoy nga nalakip sa casualties sa military air strike sa Syria.
Ini ang ginkumpermar sang Department of Foreign Affairs.
Suno kay DFA Communication Chief Elmer Cato in contact ang Philippine embassy sa Damascus sa mga katapo sang Filipino community agud mahibaluan ang ila sitwasyon halin sang natabu ang air strike.
Ginabanta nga may 500 ka Filipino sa Damascus kag 500 sa iban pa nga bahin sang Syria.
Ginpanugyanan na sang embahada ang mga Pinoy sa Syria nga magpabilin sa sulod sang ila ginapuy-an.
Ginabanta nga may 17,000 ka Pinoy sa Syria sang nagsugod ang gyera apang kadam-an sa ila ginrepatriate na sang gobyerno.
(photo from web)
Facebook Comments
