Pagatipunon sang Department of Health Region 6 ang kapin sa 600 ka mga estudyante sang Colegio Del Sagrado Corazon de Jesus sa lunes para sa isa ka forum angut sa ginpabaskog sini nga kampanya nga “iwas paputok” sa pagselebrar sang paskuwa kag bag-ong tuig.
Sa nasambit nga forum, iga-higlight ang “torotot” festival agud engganyuhon ang publiko nga maggamit sang alternatibo nga pamaagi sa pagtuga sang gahud sa pagsug-alaw sang bag-ong tuig suno kay dr. May Ann Sta. Lucia, DOH Regional coordinator for violence and injury prevention program.
Suno kay Sta. Lucia nga may yara sang kontes para sa pinakamalaba, puinakamanubo kag pinaka-unique nga torotot.
Samtang ang mga empleyado sang DOH 6 ang may kaugalingon man nga version sang torotot festival.
Nahibaluan nga sang nakaligad nga martes, ginlunsar na sang DOH 6 ang iwas paputok campaign kon sa diin naghiwat sila sang caravan sa palibot sang siyudad sang iloilo.
