May ginpaguwa na nga Suggested retail price ukon SRP ang Department of Trade and Industry ukon DTI para sa mga noche buena products.
Ginpahayag ni DTI 6 Public information Officer David Sinay nga nabaton sang ila talatapan kahapon ang SRP para sa mga noche buena products agud mangin talamdan sang mga consumers sa pagpili sang mga produkto nga ila pagabaklon agud ihanda sa paskuwa kag bag-ong tuig.
Suno kay sinay nga base sa bag-o nga listahan sang SRP, may pagtaas naman sa presyo sang mga Noche buena products.
Ang nasambit nga listahan ang igapangtapik sa mga supermarkets sa bug-os nga rehiyon agud malikawan ang pagpamentaha sang mga negosyante pinaagi sa overpricing.
Ginhatagan pagtamod ni sinay nga ila iga-monitor kon nagasunod ang mga supermarkets sa srp nga gintalana sang ahensya para sa noche buena products.
Ang madakpan nga magalapas sa SRP ang may nagakaigo nga sanction suno pa kay Sinay.
