CAPIZ – Nangin malinong kag matawhay sa pangkabug-usan ang pag-obserbar sang Undas 2017 sa probinsya sang Capiz. Ginpahayag ni Police Senior Superintendent Samuel Nacion, Provincial Director sang Capiz PNP, nga humalin sang Oktubre 31 tubtob Nobyembre 2, base sa ila monitoring wala sang mga dalagko nga insidente may kaangtanan sa pag-obserbar sang All Saints kag All Souls Day.
Suno diri nga nangin madinalag-on kag epektibo ang security plan nga gindihon sang Capiz PNP sa bulig man sang mga kapulisan sa tagsa ka mga kabanwahanan. Ginpahayag man ni Nacion nga epektibo ang ila pagpahamtang sang police assistance desk sa mga sementeryo, police deployment sa mga matawo nga lugar kag checkpoints sa mga dalanon.
Ginpasalamatan man sini ang publiko sa nangin kooperasyon nga napabilin nga matawhay ang selebrasyon sang undas sa sini nga tuig.
