DepEd-6 ginatindugan ang desisyon nga magbukas sang klase sa Agosto 24

17

Ginatindugan sang Department of Education ( DEpEd) Region 6 ang desisyon nga magbukas sang klase sa Agosto 24 , 2020.

Ini apisar nagpabutyag ang kadam-an sang mga ginikanan lakip na sanday Iloilo City Mayor Jerry Trenas kag Iloilo Governor Arthur Defensor Jr. nga indi sila pabor sa pagbukas sang klase subong nga school year bangud sang COVID-19 Pandemic.


Suno kay Dr. Lea Belleza, information officer sang DepEd Region 6, ang ila desisyon sa pagbukas sang klase ang resulta man sang pagkonsulta sa Inter-Agency Task force (IATF).

Gin-athag ni Belleza nga kon ano man ang mandu sang IATF, masunod ang Department of Education , apang sa karon, ila ginatindugan ang desisyon nga magbukas sang klase sa bulan sang Agosto.

“Bal-an naton ang anxiety sang mga parents , ang mga doubts nila. Pero at the end of the day, as we speak now, ang stand iya sang DepEd , we will continue with opening of the school year. Ang action naton kag decisions are always based kag gin-recommend naton ina sa IATF kag gin-adopt man nila ina. Should there be further pronouncement nga ihatag ang DOH, IATF, of course ma-follow lang na iya ang DepED, pero as we speak now, sang nasiling kon na, we maintain our stand nga ma-open kita snag klase naton sa August 24, ” pahayag ni Belleza.

May yara sang Learning Continuity Plan ang DepEd suno kay Belleza kon nagakahangawa ang mga ginikanan sa pagpakadto sang ila kabataan sa eskwelahan.

Lakip diri ang face-to-face learning , distance learning (online learning, modular) , tv and radio broadcast kag blended learning.




Suno kay Belleza, indi pag-ipilit ang distance learning sa mga eskwelahan nga yara sa remote areas ukon barangay nga mabudlay ang internet connection kag limitado ang learning resources ukon mga gadget.

Ginpahayag ni Belleza nga posible ang face-to-face learning sa mga lugar nga low risk ang coronavirus transmission apang ila ginasigurado nga masunod ang guidelines ukon protocols kaangay sang pag –obserbar sang social distancing kag pagpahamtang sang washing areas.

May mga adjustment man ang DepEd sa face-to-face learning kaangay sang pag-reduce sang numero sang mga estudyante sa kada classroom.
Suno kay Belleza, ila ginahimo ang katungdanan agud masigurado ang safety sang mga kabataan , mga manunudlo kag staff sang buluthuan sa liwat nga pagbukas sag klase.

Apang nagaapelar ang DepEd-6 sang bulig kag suporta sang mga ginikanan kag komunidad .

“Amo na naga-appeal kita sa ginikanan , sa community, sa aton nga mga LGU, sa tanan nga mga benefactors. Do what you can and help us kay kami naga-obra kami , nagapanumdom kami para sa inyo kabataan. Now it’s your turn also, what can you help for the community,” pahayag ni Dr. Lea Belleza.

Gin-athag ni Belleza nga wala sila nagapamilit kag yara gihapon sa mga ginikanan ang desisyon kon ila paeskwelahon ang mga kabataan ukon indi.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments