DepEd adunay igong ihap sa mga magtutudlong magsilbi isip BEIs

Davao City – Kampante ang Department of Education kun DepEd Davao Region nga dili sila magkulang sa mga magtutudlo nga magsilbi isip mga Board of Election Inspectors karong Midterm 2019 polls.

Sa interbyu sa RMN Davao kang DepEd spokesperson Jenielito Atillo nga sukad niadtong nakalabay nga tuig nagpadayon ang ilahang proseso sa pagidentipika sa mga lehitimo nga mamahimong kabahin sa BEIs.

“We are very subservient sa atong ahensya nga nag-deputized kanato nga mahimong kabahin sa elekyon nga mao ang COMELEC. Whatever COMELEC requires from us ginapaningkamutan nato nga ma-provide,” sumala ni Atillo.


Matud ni Atillo nga wala pa silay ihap kung pila kabuok mga maestra per schools divisions office ang gikinahanglan.

“Ang DepEd has enough or more than enough number of teachers who can be tap to serve as Board of Election Inspectors,” matud niini.

Maghulat lamang ang DepEd sa COMELEC kung kanus-a ang shedule sa refresher course para sa mga BEIs.

“Usually duol-duol na ang election mao nay kasagarang schedule nga nabantayan nato sa COMELEC tama pod na siya aron dili na makalimtan,” sumala niini.

RadyoMaN Aimee Guinita

Facebook Comments