Gidomina sa Agusan del Sur DEPED Division Office ang 2018 Regional Festival of Talents nga gipahigayon dinhi sa dakbayan sa Butuan. Kini ang gikompira ni Ariem Cinco, regional information officer sa DEPED Caraga. Ang Agusan del Sur DEPED division maoy gideklarang “over-all champion” sa gitapos kagahapon nga aktibidad.
Ang maong programa gisalmotan sa tanang division sa Department of Education (DEPED) Caraga nga nagtigi sa Techno – Olympics, Languages, Kanta ug Sayaw.
Base sa gipagawas nga resulta, ang Butuan city Division ang 1st runner up, Bayugan city division, 2nd runner up, Cabadbaran city division 3rd runner up, Agusan del Norte division 4th runner up ug Surigao city division 5th runner up.
Samtang ang Bayugan city division maoy champion sa Regional Science Fair ug sa Regional Science Press Conference nga natapos kagahapong adlawa.
Sent from my Samsung Galaxy smartphone.
