ILIGAN CITY – Andam pa imbestigahan ni Deped Schools Division Superintendent Randolph Tortola kun ugaling mapamatud-ang shabu ang nakita sa usa ka pansayan diha sa Villaverde Elementary School niadtung miaging semana.
Matud ni Tortola, anaa pa sa PNP Crime Laboratory ang gituho-ang shabu nga nakita sa usa ka grade 2 pupil sulod sa CR sa maong tunghaan.
Gibutyag ni Tortola nga kun positibo ang report gikan sa kapulisan nga shabu ang maong butang ipailalom niya sa makuting imbestigasyon ang mga personahe sa maong tunghaan.
Gani, na-alarma karon si Tortola ug iyang gikahibulongan kun nganong adunay susamang klase sa butang nga nakasulod sa nasangpit nga tunghaan.
Facebook Comments
