Bukidnon – Gipahayag sa Department of Education – Division of Bukidnon nga kaniadto pa aduna nay kamanduan sa pagpahigayon ug drug testing sa mga estudyante.
Sa interview sa RMN Malaybalay ngadto kang Sunny Ray Amit, ang Chief School Governance and Operation Division gibutyag niini nga tumong niini nga masayran kung unsa na ka-grabe ang problema sa droga sa mga kabataan ug aron mabuhatan ug solusyon.
Matud ni Amit nga sa karon nagpaabot lamang daw sila sa kamanduan sa central office kung unsa nga mga tulunghaan ang ma-apil niini.
Sigun niini nga ang resulta sa himoong random drug test magpabiling confidential tali sa pamunuan sa tulunghaan, estudyante ug pamilya niini.
Gidugang pa sa DEPED-Bukidnon nga aduna nay naka-andam nga guidance program kung ugaling adunay magpositibo sa drug test ug kung mapadala pa sa lebel sa adiksyon sa usa ka tinun-an.
