Nakakuha ng pinakamataas na approval rating ang Department of Education, Department of Health at Department of Social Welfare and Development sa pinakahuling Tugon ng Masa Survey ng OCTA Research Group.
Ito ay matapos makakuha ang DepEd ng 87 percent approval rating na sinundan ng DOH na nakakuha 79 percent at DSWD na may 76 percent.
Nakakuha naman ng pinakamalaking disapproval rating ang Department of Migrant Workers na 36 percent, sinundan ito ng Department of Trade and Industry na may 16 percent at Department of Energy na may 15 percent.
Isinagawa ang survey nitong October 23 hanggang 27 na sinagutan ng 1,200 adult Filipino respondents.
Facebook Comments
