DepEd: Early registration gikinahanglan

66

Davao City – Gikinahanglan sumala pa nga makaparehistro nang daan ang mga estudyante nga lakip sa ‘Early Registration’ alang sa school year 2019-2020 nga ipahigayon sa katapusang Sabado sa Enero hangtud sa katapusang Biyernes sa Pebrero karon nga tuig.

Sa pakighinabi sa DXDC RMN Davao kang Jenelito “Dodong” Atillo, tigpamaba sa Department of Education (DepEd)-XI, gidasig niini ang mga mag kindergarten, mag grade 7, mag grade 11, mga Out of School Youth (OSY) ug mga Out of School Children (OSC) nga buot mubalik og eskwela nga magparehistro sa mga tulunghaan ayha pa man ang gikatakdang enrollment.

Matud pa ni Atillo nga pinaagi sa ‘Early Registration’ mahatagan og oportunidad ang DepEd sa pagsuta sa laumang populasyon sa estudyante, mga gikinahanglang building, classrooms, mga libro o bisan ang gikinahanglang mga magtutudlo.

“Importante ning early registration because this will give us a solid picture kung unsay among atubangon in terms of population, in terms of need of building, classrooms, in terms of resources like libro and even human resource, mga magtutudlo nato.” Saysay ni Atillo.

Dugang usab sa DepEd spokesperon nga tungod sa maong sistema, pag-abot sa enrollment, mamahimo nang hapsay ang proseso ug dili na magbaton og unsa pang problema ang mga estudyante.

RadyoMaN Kirby Manzon

Facebook Comments