Davao City – Gilugwayan sa Department of Education (DepEd) ang usa ka bulan nga enrollment period sa school year 2020-2021 nga gisugdan niadtong June 1, 2020 ug nahuman kagahapong adlawa (June 30, 2020).
Matud sa DepEd, ‘extended’ hangtud sa July 15, 2020 ang enrollment sa mga pampublikong eskwelahan aron mahatagan og panahon ug maka apas pa ang mga estudyanteng wala pa nakapa-enroll.
Sa interbyu sa DXDC RMN Davao gibutyag ni Jenielito Atillo, Spokesperson sa DepEd-XI, positibo kining makab-ot sa rehiyon ang gidaghanon sa enrollees sama sa milabay nga tuig.
“Promising kaayo ang enrollment for region eleven. We are hoping that in the days to come (the number of these current enrollees) will still climb and then eventually reach our 1.16 million last year ang gidaghanon,” segun ni Atillo.
Padayon ang himuong remote ug drop box enrollment scheme samtang padayon usab ang pag-awhag sa DepEd labi na sa mga ginikanan nga ipa-enroll ang ilang mga anak isip preparasyon sa no face-to-face classes sa Agosto.
RadyoMaN Kirby Manzon
