General Santos City–Mukabat lang sa 83% ang kinatibuk-ang turn out sa mga enrollees sa dakbayan gikan sa pribado ug pampublikong tunghaan para sa school year 2020-2021 kung itandi sa nakalabay nga tuig.
Pamahayag ni Deped Gensan Schools Division Superintendent Rommelito Flores nga anaa lang sa 147, 521 nga mga estudyante ang nakapa-enroll hangtud niadtong Hulyo 15.
Gikan sa maong ihap, 91% ang anaa sa pampublikong tunghan samtang anaa sa kapin 11 mil ang nakapa-enroll sa mga pribadong tunghaan.
Samtang gibutyag ni SDS Flores nga parte sa ilahang preparasyon alang sa pag-abli sa klase karong Agosto 24 mao ang Dry Run aron usab masayran kung unsa ang mga posibleng problema nga ilahang masinatian.
Samtang ilaha pa usab ginahulat ang mga module nga maggikan sa Deped Central Office nga maoy gamiton sa mga estudyante.
