Davao City – Dako sumala pa ang papel sa mga ginikanan sa pagkab-ot sa pangandoy sa ilang mga anak nga magsugod diha sa edukasyon.
Sa pakighinabi sa DXDC RMN Davao kang Jenielito “Dodong” Atillo, spokesperson sa Department of Education (DepEd)-XI, gibutyag niini nga dakong rason ang ginikanan sa kaugmaon sa ilang mga anak labi na diha sa ilang pagtuon.
“Ang edukasyon naka angkla gyud na sa mga ginikanan. Factor gyud kaayo ang ginikanan. Useless lang kung ang bata gusto mo-eskwela pero ang ginikanan dili supportive,” saysay ni Atillo.
Gipasabot sa tigpamaba sa DepEd-XI nga responsibilidad sa mga ginikanan ang pag atiman sa ilang mga anak butang nga gipanawagan niini ang pagsuporta sa mga kabataan.
“Manawagan ta sa mga ginikanan nga.. you do your job, you do your responsibility, you do your obligation to the children,” saysay ni Atillo.
RadyoMaN Kirby Manzon
