Agig kabahin sa “austerity” program sa kagamhanan usa ka Department Order ang gipakanaug sa kalihim sa Department of Education (DepEd) para sa mga pampublikong tulunghaan ang ‘no collection policy’ sa graduation ug moving up ceremony sa mga magtutungha nga matapos ning school year 2018-2019.
Sigun ni Ariem Cinco, Regional Information Officer sa DepEd Caraga, dapat himoong simple apan makahuluganon ang graduation, moving up ug recognition ceremony nga mahimong ipahigayon sa Abril 1 hangtud Abril 5 ning tuiga.
Una na niini namahayag si DepEd Secretary Leonor Briones usa usa ka medya interview na ang mga gaslastuhon sa maong aktibidad ang dapat maggikan sa Maintenance and Other Operating Expenses (MOOE) sa tulonghaan.
Giklaro sab nga dili dapat himoong requirement para sa graduation o completion sa mga magtutungha ang mga non-academic projects, sama sa attendance sa field trips, film showing, Junios-Senior promenade ug uban pang school events.
Ang pagpaghatag usab ug honor o award sa mga magtutungha gikan sa Grade 1 hangtud Grade 12 ang dapat alayon sa Department Order 36, series of 2016 kon ‘Policy Guidelines on Awards and Recognition for the K to 12 Basic Education Program.’
[image: ariem cinco.jpg]
