Davao City – Mas gipakusgan karon sa Department of Education (DepEd) ang kampanya batok sa 2019 novel Coronavirus Acute Respiratory Disease (2019-nCoV ARD) pinaagi sa pag-montar sa ‘Project Shield Task Force’ kun PSTF.
Sa interbyu sa DXDC 621 RMN Davao kang Jenielito Atillo, spokesperson sa DepEd-XI, gisaysay niini nga ang PSTF motutok diha sa pagpahibalo sa mga eskwelahan kon unsaon sa pag-handle sa mga sitwasyon diin involved ang nCoV ingon man pag edukar sa tanan kalabot niini.
“Ang trabaho ani, mag-oversee sa tanang mga school information (and) education campaign ug uban pang activities, unsaon pag- handle sa mga estudyante nga nagpakita ug flu-like symptoms ug pag-mobilize sa mga school health personnel aron i-disseminate ang information sa coronavirus,” matud ni Atillo.
Una nang gibutyag sa tigpamaba nga gikansela na sa DepEd higher-ups ang mga aktibidad sa mga tunghaan karong bulana tungod ra usab sa nCoV.
RadyoMaN Kirby Manzon
