SYUDAD sang Iloilo – Hustisya ang panawagan sang Department of Education (DEpEd) Division of Iloilo City kasunod sang makasiligni nga kamatayun sang mag-asawa nga manunudlo nga sanday Joemarie kag Alnie Dinah Osano matapos mabungguan sang isa ka sports car nga ginamaneho ni June Paul Valencia, Sabado sang aga, Hunyo 15.
Suno kay Dr. Clarissa Zamora, OIC sang Office of the School Division Superintendent, nagalaum sila nga indi lang mabutang sa wala ang kamatayun sang mag-asawa nga nangin matutom nga manunudlo sa Lapaz II Elementary School kag Ticud Elementary School.
Nagpaggwa man sang resolution ang Philippines Elementary Schools Principal Association (PESPA)-Iloilo City agud ipanawagan ang hustisya sa ila kaupod sa trabaho.
Ipalambot nila ini sa natungdan nga ahensya agud makabulig sa iya ginapangita nga hustisya para sa mag-asawa nga Osano.
Nahibaluan nga nakaggwa si Valencia matapos magbayad sang pyansa nga P60,000 para sa kaso nga reckless imprudence resulting in double homicide.// via Joel Franco reports
Photo from web
