Anaa na sa 91% ang turn-out sa mga nag-enroll sa elementarya ug sekondarya sa pampublikong tulunghaan sa 20 ka mga lungsod sa probinsya sa Bukidnon.
Sa interview sa RMN ngadto kang Dr. Randolph Tortola, ang Schools Division Superintendent sa DEPED-Bukidnon gibutyag niini nga anaa na sa 251,000 ka mga kabataan ang nagpa-enroll sa umaabot nga tuig tingtungha.
Sigun ni Dr. Tortola nga adunay pay 9% ang wala pa nakapa-enrol tungod kay sa niaging tuig muabot sa 273,000 kapin ang nagpa-enroll.
Apan sigun niya nga nagpadayon pa karon ang pagdawat sa DEPED sa mga gustong magpa-enroll bisan ug na-postpone ang klase gikan sa Agosto 24 gi-uswag kini ngadto sa Oktubre 5 ning tuiga.
Dungan niini gihangyo ni Dr. Tortola ang mga ginikanan nga kung buot nilang ipatungha ang ilang mga anak nga ipa-lista na karon pa lang daan aron ma-apil sa module nga andamon sa mga tulunghaan.
