Davao City – Tataw nga usa lamang ka mugna ang miabot nga mensahe kang Talaingod Mayor Jonnie Libayao labot sa ilusad nga ‘pangayaw’ sa Talaingod, Davao del Norte.
Gikanayon ni Department of Education (DepEd) 11 Spokesperson Jenielito Atillo, mugna-mugna lamang ang maong text message nga matud pa gikan sa usa ka grupo nga gusto bulabogon ang Talaingod nunot sa pagpasara sa Salugpungan Tatano Igkanogon Learning Center.
“This is not going to help, gihatagan lang ninyo og kahadlok ang atong mga magtutudlo ingon man apektado ang edukasyon sa mga bata,” segun niini.
Kini subay sa kumpirmasyon ni National Commission on Indigenous People (NCIP-XI) Regional Director Atty. Geroncio Aguio nga walay pormal nha deklarasyon gikan sa Indigenous Community.
Gani gitino ni Atillo nga ginasunod lamang sa DepEd-XI ang mando sa pagpasara sa Salugpungan schools gani nanawagan kini nga undangon na ang mga propaganda gumikan ang edukasyon sa mga estudyante ang dakong apektado.
Dugang sa maong tigpamaba nga panahon mahibalik na sa normal ang operasyon sa klase sa tanang tulunghaan nga lauman karong semanaha, magdoble ang effort sa mga magtutudlo aron maapas pa ang mga pagtulung-an.
RadyoMaN Jason Amisola
