Davao City – Gipasabot sa Department of Education (DepEd) nga ang mga ginikanan ang adunay dakong responsibilidad sa pagsiguro nga luwas ang ilang mga anak sa pagtungha sa eskwelahan luyo sa kusog nga pag-ulan tungod sa epekto ni bagyong Chedeng.
Sa pakighinabi sa DXDC RMN Davao kang Jenielito “Dodong” Atillo, spokesperson sa DepEd-XI, gisaysay niini nga gawas sa mga probinsya o mga lugar sa Davao region nga gikansela ang klase, aduna usay mga lugar nga wala pay klarong suspensyon, rason nga ang ginikanan ang adunay responsibilidad ug angay mag desisyon kung luwas ba ang ilang kabataan padulong ug pauli sa eskwela tungod sa nasinatiang daut nga panahon.
“If ever there is no suspension or cancellation of classes sa tagsa-tagsa nila ka mga lugar, then we urge our parents to use their wise discretion kay ang pinal nga maka decide para sa kaayohan sa mga bata mao man gyud ang mga ginikanan.”
Saysay sa DepEd official nga bisan pa man og walay order sa suspension o cancellation ang mga Local Government Units (LGUs) sa usa ka lugar, ang ginikanan na mismo ang mubalanse sa sitwasyon sa pagsigurong luwas ang ilang mga anak sa peligro.
RadyoMaN Kirby Manzon
