DepEd Sec. Leonor Briones, naga-apelar sa mga manunudlo nga padayunon ang maayo nga pagtudlo samtang ginapangitaan sang solusyon ang hingyo nga pataasan ang sweldo

Nagaapelar si Education Secretary Leonor Briones sa mga manunudlo nga himuon lang sang husto ang ila trabaho samtang ginapangitaan sang paagi agud madugangan ang ila sweldo.

Suno kay Briones, indi lang kon tani madula ang focus sang mga manunudlo bangud makaluluoy ang mga estudyante nga nagasalig sa ila.

Nagapanawagan man si Briones nga indi man kon tani pagpagwaon nga ginabalewala nila ang hingyo sang mga manunudlo.

Suno kay Briones may iban pa nga benepisyo ang mga manunudlo kaangay sang cash allowance, yearly clothing allowance, hazard pay kag 2 months nga sweldo bisan pa naka-bakasyon.

Nagapati gihapon si Briones nga sa pihak sang isyu , tumanon gihapon sang mga manunudlo ang ginsumpaan nga katungdanan.