DepEd simultaneous dry run gipahigayon

63

Davao City – Nagpadayon karon ang ginahimong dry-run sa Department of Education (DepEd) isip preparasyon sa mga tulunghaan sa abri-klase sa Agosto 24, 2020.

Sa interbyu kang Jenielito Atillo, Spokesperson sa DepEd-XI pinaagi sa city-owned radio, gibutyag niini nga dinhi sa rehiyon gisugdan niadtong Lunes (Agosto 3, 2020) sa Davao de Oro ang ilang pagsusi sa mamahimong sistema o napili nga klase sa pagtuon sa eskwelahan alang sa ilang mga estudayante sa umaabot nga abri-klase.


“Ang Department of Education sa tibuok Pilipinas is conducting simultaneously from Luzon to Mindanao the dry run activity for all the teaching learning modalities. Tan-awon namo kung unsaon pag-conduct sa usa ka eskwelahan sa modality niya nga napili,” segun ni Atillo.

Matud ni Atillo, kinahanglang pormal gihapon nga klase ang mahitabo bisan og walay matigayong face-to-face classes sama sa pagsuot og uniform sa magtutudlo ug mga estudyante.

Dugang pa nga importante usab ang papel sa mga ginikanan sa pagsuporta sa pagtuon sa ilang mga anak sa mamahimong bag-ong sistema gumikan sa sitwasyon karon sa Coronavirus Disease 2019 (COVID-19) Pandemic.

RadyoMaN Kirby Manzon




Facebook Comments