DepEd: Strictly no politics sa graduation

Davao City – Nagpahimangno karon ang Department of Education (DepEd) sa mga magtutudlo nga unta dili masagolan og pulitika ang mga aktibidad sa eskwelahan labi na sa mga graduation ceremonies ug uban pang aktibidad sa pagtapus sa school year 2018-2019.

Sa pakighinabi sa DXDC RMN Davao kang Jenielito “Dodong” Atillo, spokesperson sa DepEd-XI, gisaysay niini nga kinahanglang maampingon ang usa ka magtutudlo labi na sa presensya sa kandidato sa mga aktibidad sa tulunghaan.

“We have to be prudent and we have to be cautious in responding to calls let’s say for example presence of a candidate in your schools during graduation or recognition or in all other activities nga padaganon sa eskwelahan.”


Saysay ni Atillo nga angay masayod ang usa ka magtutudlo sa hisgutanan sa eleksyon labi na sa mga regulasyon ugaling adunay mga kandidato nga buot muduyog sa aktibidad sa eskwelahan.

Nanghinaot ang DepEd spokesperson nga dili mahimong isyu ug malambigit sa pagpangampanya ang mga magtutudlo. Apan giklaro sa opisyal nga mamahimong dili mo-serve ang usa ka magtutudlo sa eleksyon kung aduna kini buot suportahan nga kandidato alang sa taliabot nga piniliay.

“If you do have the heart to support (a candidate), dili nalang mo-serve. Anyway, naa man tay balaod nga wala na nagpugos sa mga magtutudlo karon.”

RadyoMaN Kirby Manzon

Facebook Comments