Davao City – Dili sumala pa gawasnon kun ‘exempted’ ang mga magtutudlo sa ginapatumang health protocols batok Coronavirus Disease 2019 (COVID-19) sa mga Local Government Units (LGUs) kung asa sila nagtrabaho.
Sa interbyu sa DXDC RMN Davao kang Jenielito Atillo, Spokesperson sa Department of Education (DepEd)-XI, gibutyag niini nga angay nga tumanon ang guidelines ug protocols sa Inter-agency Task Force on Emerging Infectious Diseases (IATF-IED) ug Department of Health (DOH) sama sa 14-day quarantine aron kalikayan ang COVID-19.
“If they (LGU) subject everybody to a 14-day quarantine, then so be it kay mao man nay policy because ang hinungdan ug tumong niana is for the common good for everybody and that does not exempt our public school teachers and private school teachers,” tataw ni Atillo.
Kini ang tubag sa DepEd human nga adunay mga magtutudlo gikan sa Davao del Sur nga mipaabot sa ilang ‘concern’ sa DXDC RMN Davao labot sa 14-day quarantine nga ipatuman sa Davao Occidental asa sila nagtudlo diin maapektuhan niini ang ilang trabaho.
Tambag sa DepEd official nga mamahimong musayo og adto sa Davao Occidental o kung maapsan man sa abri-klase, aduna gihapoy mga ma-trabaho ang nahisgutan samtang nag quarantine.
RadyoMaN Kirby Manzon
