Davao City- Padayong gipaningkamutan sa mga magtutudlo sa nasud Pilipinas nga malamdagan ang huna-huna sa mga kabatan-unan og unsa ang angay ug dili buhaton aron dili mabiktima gani dili usab mahimong perpetrators.
Kini ang pamahayag ni Department of Education kun DepEd Assistant Under Secretary Tonisito Umali atol sa interbyu ni RadyoMan June Duterte sa Straight to the Point Program sa DXDC RMN Davao sa isyung Child Rights diin sumala ni Umali, sa curriculum, kinahanglan itudlo ngadto sa mga kabatan-unan og unsaon ang mahimong usa ka giingong good citizen.
Dugang ni Umali, gawas sa mga pagtulunan-an subay sa curriculum, duna usab silay ginapahigayong advocacy campaigns batok iligal nga droga, child abuse, bullying ug uban pa.
Sa isyung pamub-an ang edad sa criminal responsibility gikan kinse anyos ngadto sa nwebe anyos, sa personal nga panlantaw ni Umali, dili siya uyon nga kini pamub-an diin sa iyang opinyon wala pa masayud ang ing-anang edara sa og tama ba o mali ang ilang ginabuhat.
Dugang sa ASEC nga og pamub-an, kinahanglan evidence-based, dunay ebidensya nga mapakita nga ang usa ka nwebe anyos nga bata dunay abilidad nga makahibalo og unsa ang tama ug unsa ang mali.
RadyoMan Renz Barbarona
