DepEd-XI andam na sa abri-klase

Davao City – Andam na ang Department of Education (DepEd)-XI sa bag-ong sistema sa klase karong tuiga gumikan sa Coronavirus Disease 2019 (COVID-19).

Sa interbyu sa DXDC RMN Davao kang Jenielito Atillo, Spokesperson sa DepEd-XI, gibutyag niini nga mahinayon ang klase karong Agosto 24, 2020 apan walay face-to-face classes sa mga estudyante samtang walay pay kumpirmadong bakuna batok COVID-19.

“Adlaw nalang gyud ang atoang gihulat because we have prepared this for quite long already. Given the fact nga miigo sa atoa ang COVID-19, naa nay inkling daan og unsay mamahimong sitwasyon ug nakita nato kung unsa ‘toy angayan nga pagabuhaton,” segun ni Atillo.


Gisaysay ni Atillo nga i-implementar ang ginatawag nga blended learning kun pagpahigayon sa klase pinaagi sa online, modular ingon man paggamit sa mga media facilities sa gobyerno sama sa television (TV) ug radyo, ug paggamit sa mga learning pockets para sa mga kabataan.
RadyoMaN Kirby Manzon

Facebook Comments