Sa interbyu sa DXDC RMN Davao kang Jenielito Atillo, tigpamaba sa DepEd-XI, gitataw niini nga walay estudyante o DepEd personnel nga pwersahon sa pag-participate o pag-contribute alang sa Christmas party.
Matud ni Atillo, dili angay i-mandatory o pugson ang tanan bisan pa man og nagkasinabot ang mga magtutudlo ug ginikanan o ang Parent-Teacher Association (PTA) sama pananglit kung magbaton og kontribusyon alang sa aktibidad.
“Magpabilin kana nga boluntaryo (ang Christmas party). Buot pasabot nga wala gyoy pugson nga mupartisipar niana bisan pa og magkauyon ang majority sa population sa mga ginikanan nga mupahilona sila’g Christmas party,” tataw ni Atillo.
Dugang sa DepEd-XI official, adunay gitagana nga panahon sa pagpahigayon og Christmas parties base sa ilang school calendar ug kinahanglang dili makaapekto sa pagtuon sa mga estudyante.
RadyoMaN Kirby Manzon
