Davao City – Gikumpirma sa Department of Education (DepEd-XI) nga adunay mga magtutudlo sa Davao Region nga nataptan sa Coronavirus Disease (COVID-19).
Atol sa One Davao on COVID-19 Virtual Presser, gibutyag ni Jenielito Atillo, Spokesperson sa DepEd-XI, nga adunay gipa-abot nga report sa ilang departamento nga adunay mga nagpositibong teachers apan nakarekober na.
“Duna gyud ‘tay mga magtutudlo (sa Davao Region) nga nahisugamak sa problema sa COVID pero ang good news ana is that naka-rekober na sila,” tataw ni Atillo.
Matud ni Atillo nga protocol ug responsibilidad na usab sa concerned DepEd Schools Division Office nga mahatagan gilayon og medikal nga atensyon ang nagbalatiang mga magtutudlo ug pagpailawom sa 14-day quarantine sa mga nahimamat sa maong COVID-19 positive nga indibidwal.
RadyoMaN Kirby Manzon
