Sa interbyu sa DXDC RMN Davao kang Jenielito Atillo, tigpamaba sa Department of Education (DepEd)-XI, gibutyag niini nga anaa na sa 99.30% sa mga eskwelahan ang nag-F2F classes o 427 sa 430 total public schools sa dakbayan.
Gibutyag usab ni Atillo, sa Davao Region, 73.14% na ka public schools ang nag-F2F classes o 1,609 sa 2,200 ka mga pampublikong eskwelahan ang nagpatuman niini.
Nanghinaut ang DepEd-XI spokesperson nga makabalik na tanang eskwelahan lakip na mga private schools sa in-person learning sa hinay-hinay nga pagbalik normal luyo sa pandemya.
“Ang total gyud nga gidaghananon including both public and private, naa na ‘tay 2,698 ka mga eskwelahan. Ang nag face-to-face ana, both public and private is 1,640. Ang total nga scenario for region eleven is 60.79%. Gamay nalang na. Maningkamot ‘ta nga by next school year, ang atong mga tulunghaan, both public and private really will respond positively,” sulti ni Atillo.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
