DepEd-XI: DRANHS ‘dumog’ gi-imbestigar

41

Davao City – Gipatawag na sumala pa sa eskwelahan ang mga ginikanan kinsa mga anak nalambigit diha sa cyber bullying sa Daniel R. Aguinaldo National High School (DRANHS).

Sa interbyu sa DXDC RMN Davao kang Jenielito “Dodong” Atillo, spokesperson sa Department of Education (DepEd)-XI, gibutyag niini nga nagapaabot na lamang usab ang DepEd sa rekomendasyon sa eskwelahan diin kini padayon pang gi-imbestigahan.


“Duna nay gihimong pagpatawag sa mga ginikanan and we are still waiting for the final findings whatever will be the recommendation coming from the DRANHS principal, si Dr. Leo Asilo kay padayon pa nilang gipaningkamutan nga ma-ugkad gyud tong unsa ba gyoy reason ani,” saysay ni Atillo.

Gikumpirma ni Atillo nga 21 ka mga estudyante ang nalambigit sa maong insidente nga mga estudyante gikan sa grades 7, 8 ug 9 sa maong eskwelahan.

Dugang ni Atillo nga boluntaryo usab nga nibalhin sa laing eskwelahan ang batang nabiktima sa insidente.

Gibutyag sa DepEd-XI spokesperson nga angay kining gilayong ma-aksyunan labi na nga nalambigit niini mga estudyante. Aduna usay inisyal nga impormasyon nga gihimo sumala pa kini aron lamang musikat ang nahisgutan diha sa social media.

“We do not take this matter sitting down because of number one, ang involved are students, mga bata nato. And naa man goy initial information nga gihimo lang to nila kay gusto lang nila musikat sa Facebook. So, this matter although para sa uban minor but it is actually major to us,” saysay ni Atillo.

RadyoMaN Kirby Manzon

Facebook Comments

From Advertisers