Davao City – Miabot na sa 457,748 ang mga enrollees gikan Kindergarten hangtud Grade 12 sa mga pampublikong tulunghaan ang natala sa Department of Education (DepEd)-XI.
Kini ang datos as of June 11, 2020 sa gipahihayong remote enrollment isip preparasyon sa abri-klase sa Agosto 24, 2020.
Sa interbyu sa DXDC RMN Davao kang Jenielito Atillo, Spokesperson sa DepEd-XI, gi-esplikar niini nga sa bag-ong sistema sa pagtuon, mas mahataga’g importansya sa mga ginikanan ang pakig-alayon sa eskwelahan kalabot sa edukasyon sa ilang mga anak.
“Para mas ma-appreciate pud sa mga ginikanan kung unsa pa diay angayang buhaton kabahin sa edukasyon sa ilang mga anak nga panigurohon ‘tong panagkumboya sa eskwelahan ug sa panimalay,” segun ni Atillo.
Nasayran nga gumikan sa Coronavirus Disease 2019 (COVID-19), walay face-to-face nga himuon sa abri-klase kundili magbaton og blended learning kun pinaagi sa online platforms, printed or digital modules o kaha pinaagi sa radyo ug television (TV).
RadyoMaN Kirby Manzon
