Davao City – Gikumpirma sa Department of Education (DepEd-XI) nga andam na ang tanang mga eskwelahan sa entero rehiyon sa umaabot nga abri-klase sa Oktubre singko ning tuiga.
Sa interbyu sa DXDC RMN Davao kang Jenielito Atillo, Spokesperson sa DepEd-XI, gibutyag niini mipakita na sa ilang ka-andam ang tanang tulonghaan sa rehiyon diin andam na usab ang mga modules nga maoy gamiton sa mga estudyante sa abri-klase isip kabahin sa new normal gumikan sa Coronavirus Disease 2019 (COVID-19).
“We are saying that all of our schools in region eleven are ready for the opening of classes for school year 2020-2021 which will actually happen on October 5, 2020,” esplikar ni Atillo.
Gi-awhag usab sa tigpamaba sa DepEd-XI, ang publiko nga kung adunay mga masinatiang problema kabahin sa bag-ong sistema karon sa pagtuon, ipahibalo dayon aron gilayong kining ma-solusyonan.
RadyoMaN Kirby Manzon
