DepEd-XI: Mulo sa Salugpungan gi-respeto

21

Davao City – Girespeto sumala pa sa Department of Education (DepEd) ang panawagan sa mga magtutudlo, ginikanan ug mga opisyal sa Salugpungan Ta’tanu Igkanugon Learning Center Inc. (STTILCI) ngadto kang Presidente Rodrigo Duterte nga ipadayon na ang ilang operasyon.

Sa interbyu sa DXDC RMN Davao kang Jenielito “Dodong” Atillo, spokesperson sa DepEd-XI, gisaysay niini ilang katungod ang pagpaabot sa ilang mulo sa gobyerno apan angay nga sundon ang proseso human sa suspensyong gipahamtang sa tulunghaan.


“Katungod nila na. Dako ang among pagrespeto niana. Pero there is a procedure that we have started already and we are duty bound to complete this procedure,” tataw ni Atillo.

Gipasabot ni Atillo nga adunay panahon nga gihatag sa Salugpungan gani gilugwayan og dugang lima ka adlaw ang ilang pagtubag sa alegasyon nga gipahamtang kanila hangtud sa July 22, 2019.

“Hangtud nga dili matapus ang petsa 22, dili pa nato masuta og unsa ba gyud ang mamahimong sunod nga lakang nga ipahamtang sa Department of Education,” saysay ni Atillo.

Kahinumduman nga gisuspinde sa DepEd ang operasyon sa 55 ka mga lumad school sa rehiyon onse ilawom sa STTILCI niadtong July 12, 2019 human sa report nga mga pagtulun-an kontra sa gobyerno ang ginatudlo sa mga kabataan.

RadyoMaN Kirby Manzon

Facebook Comments

From Advertisers