Davao City – Gikumpirma sa Department of Education (DepEd)-XI nga muapil ang Davao region sa ‘National Schools Maintenance Week’ jingle contest karong tuiga, 2020.
Sa interbyu sa DXDC RMN Davao kang Jenielito Atillo, Spokesperson sa DepEd-XI, gibutyag niini nga magpahigayon sila og kompetisyon sa regional level ug kung kinsay mapiling mananaog maoy mo-representa sa rehiyon sa national level competition.
“Ato pa ning i-undergo sa competition atong kaugalingon and then we will decide as to who is the best. Ug mao nay atong pasalmoton sa national competition,” saysay ni Atillo.
Nasayran nga dapat konektado ang jingle sa tema karong tuiga nga “Pagpapanatili ng Bayanihan Tungo sa Kalidad na Edukasyon para sa Kabataan.”
Sumala ni DepEd Secretary Leonor Briones, kabahin kini sa adbokasiya sa departamento aron mu-awhag og daghang volunteers ug partners sa schools’ maintenance efforts isip preparasyon sa aktibidad ayha mag abri ang klase sa Hunyo.
RadyoMaN Kirby Manzon
