Sa interbyu sa DXDC RMN Davao kang Jenielito Atillo, tigpamaba sa DepEd-XI, gitataw niini nga dili angay mangayo ang eskwelahan og pinansyal nga suporta nga gamiton alang sa maong aktibidad.
“Ang Brigada Eskwela man gud is always voluntary by nature, and we do not accept financial contributions because this will obliterate, dauton niini ang espiritu sa bayanihan,” sulti ni Atillo.
Giklaro ni Atillo, nakaabot kanila ang report nga adunay eskwelahan nga giingong nagdawat og kwarta apan nakumpirmang walay silay bayolasyon ug nagbaton lamang og gamay nga wala pagsinabtanay.
Sa kinatibuk-an, nagmalampuson ang Brigada Eskwela 2022 dinhi sa Davao Region ug tibuok nasud matud sa DepEd-XI official.
RadyoMaN Kirby Manzon
[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>
