Tubig sa Napungas, Asuncion, DavNor nakitaan og kagaw

51
Davao City – Nakitaan og kagaw ang ginainom nga tubig sa Barangay Napungas, Asuncion, Davao del Norte nga miresulta sa diarrhea cases nga nagsugod niadtong Agosto 10, 2022.

Matud ni Kapitan Mariolito Maneja sa Barangay Napungas, subay sa confirmatory test gikan sa Provincial Health Office, nakitaan og bacteria ang gina-inom nga tubig sa lugar ilabina kadtong gikan sa spring.

Alas 3:00 sa hapon kagahapong adlawa (Agosto 18, 2022), muabot na sa 143 ang total diarrhea cases diin sa maong ihap, 2 niini ang naka-admit sa Barangay Health Center, 5 sa Kapalong District Hospital, 53 ang anaa sa balay ug 83 ang nakarekober na.

Giawhag sa punong barangay ang iyang mga residente nga seguraduhon nga mapabukalan ang tubig una imnon. Samtang, naghatag na usab og medisina ang Department of Health (DOH) alang sa apektadong mga residente.

RadyoMaN Kirby Manzon

[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments