Davao City- Normal gihapon ang operasyon sa Department of Education kun DepED XI sa matigayung duha ka adlaw nga nationwide transport strike karong umaabot nga Oktubre 16-17.
Sa interview sa DXDC RMN Davao kang Jenelito “Dodong” Atillo, tigpamaba sa DepED XI, abri gihapon ang mga tulunghaan karong umaabot nga adlawng Lunes ug Martes bisan pa man gikumpirma sa mga transport group sa syudad sa Dabaw nga musalmot sila sa maong strike.
“Our operations will be normal, abri atong tulunghaan, mga buhatan, mga opisina ug kung duna may mga kliente nga manginahanglan sa among serbisyo , will be very happy to entertain them, mao nay baruganan sa Department of Dducation,” sigun ni Atillo.
Dugang ni Atillo, kanunay nilang tambag sa mga ginikanan sa panahong dunay mga transport strike nga tan-awun ang sitwasyon ug i-monitor ang kahimtang sa ilang lugar aron makadesisyon og duna bay masakyan ang ilang mga bata padulong sa tulunghaan ug pabalik sa ilang mga panimalay apan pahinumdom ni Atillo nga duna gihapoy klase nianang mga adlawa.
RadyoMan Renz Barbarona
