DepEd-XI: October 5 class opening gibarugan

37

Davao City – Gibarugan sa Department of Education Davao Region ang pag-abri sa klase sa October 5, 2020 alang sa school year 2020-2021.

Sa interbyu kang DepEd-XI Spokesperson Jenielito Atillo atol sa programang Straight to the Point, giingon niini nga alanganin man apan gikinahanglan muresponde kita sa giatubang nato nga pandemya.

“We understand and respect everybody’s position and opinion but there’s no other best way to do it but to have the classes start in October 5. Medyo alanganin sa kasamtangan but flexible man ta so we’re moving the school calendar just to respond to the demands of the pandemic that we are facing right now,” segun niini.

Gani nanawagan kini ilabi na sa mga miduso sa #AcademicFreezeNOW nga lantawon sab ang mga negatibong resulta niini.

“We are appealing to all especially sa mga hut-ong nga dili gusto magpahiluna og klase sa pagkakaron nga tan-awon pod tong negatibo nga percussion if dili mapahiluna ang pagtuon alang karong tigtungha nga 2020-2021,” saysay sa tigpamaba sa DepEd-XI.

Gipaniguro ni Atillo nga bisan lisod ang sitwasyon karon, kaya matud pa ipatuman sa DepEd ang Basic Education Program.

Gibatbat sab sa maong tigpamaba nga subay gihapon sa competencies sulod sa Basic Education Curriculum kon ang K-12 curriculum ang sistema karon ‘new normal’ nga pagtuon diin ‘self-learning’ na ang modules gani dali na lang masabtan sa mga estudyante.




“From 14,000 competencies sa pagtudlo gihimo nalang nato og 4,000. Buot pasabot focus na kaayo kini karon in response sa kahimtang nga ang mga kabataan wala sa mga classrooms nato. And aside from that, ang atong mga modules are self-learning modules buot pasabot ang estudyante can learn on their own beacuse ang atong sistema is more on a system where teachable ang mahatag nga pagtunol sa mga leksiyon and makaayuda kaayo atong mga kabataan diha sa ilang pagkat-on on their own phase,” dugang niini.

RadyoMaN Jason Amisola

Facebook Comments