Davao City – Pagpakusog sa programa ug mga aktibidad sa mga tulunghaan ang gitutukan karon sa Depatment of Education (DepEd)-XI aron mabatukan ang pagsi-aw sa sakit nga dengue.
Sa interbyu sa DXDC RMN Davao kang Jenielito “Dodong” Atillo, spokesperson sa DepEd-XI gibutyag niini adunay direktiba ang departamento sa mga eskwelahan nga istriktong ipatuman ang mga programa batok dengue aron maluwas sa peligro ang mga estudyante.
“So there is this standing order from the office of the regional director nga ang tanang mga tulunghaan i-mintinar ug i-implementar kadtong mga programa nato against dengue situation dinhi sa region eleven,” saysay ni Atillo.
Gipasibaw ni Atillo sa katawhan nga dili ibasol sa mga eswelahan ang pagbaton sa kabataan sa maong balatian diin mamahimo kining makuha sa bisan asang lugar rason nga angay nga i-mintinar ang kahinlo sa palibot aron walay kapuy-an ang lamok nga nagdala sa maong dengue virus.
“Dili lang angayan nga ang eskwelahan lang dayon ang tumbok sa basol kundili tan-awon pud ning atong palibot. It might come from the home, from the community, from the environment,” saysay ni Atillo.
RadyoMaN Kirby Manzon
