Davao City – Abli ang Department of Education (DepEd) XI sa gisugyot nga pag-ban sa videoke sa oras sa ting klase.
Sa intebyu sa RMN Davao kang DepEd-XI spokesperson Jenielito Atillo, maayo kini nga suhestyon aron maka-focus ug dili maisturbo gyod ang mga bata nga mga nag-eskwela sa panimalay ilawom sa blended learning system.
“Panawagan namo sa katawhan nga mahilig og videoke nga i-minimize ang ilahang kasaba kay ang mga bata naa man gud sa balay karon ug nag-eskwela. We need really the understanding of all kay para pod nga makakat-on og sakto ang atoang mga kabataan kay kung adunay disruption babag gyod na sa pagtuon,” sumala niini.
Wala pay nakaabot nga reklamo kalabot sa videoke sa DepEd sa kasamtangan busa nanghinaot kini sa mga kasilinganan nga magsinabtanay para sa edukasyon sa mga estudyante.
RadyoMaN Aimee Guinita
