DepEd-XI: Vaccinated teachers alang sa F2F classes dili mandatory

Davao City – Giklaro sa Department of Education (DepEd) nga dili mandatory o rekisitos ang pagpabakuna batok Coronavirus Disease 2019 (COVID-19) sa usa ka magtutudlo nga mahilakip sa limited face-to-face (F2F) classes.
Sa pangutana sa DXDC RMN Davao kang Jenielito Atillo, Spokesperson sa DepEd-XI atol sa One Davao on COVID-19 Virtual Presser labot niini, gisulti ni Atillo nga wala pa naistoryahan ang maong hisgutanan diin girespeto sa DepEd ang desisyon sa usa ka magtutudlo labot sa pagpabakuna.
Hinuon, possible kining tan-awon usab nga konsiderasyon labi na sa proteksyon atol sa F2F classes.
“Ang baroganan man gud sa Department of Education is there is always this freedom of choice nga secured sa atoang batakang balaod and naa ‘tay gitawag dinha nga artikulo tres, Bill of Rights but I’m not saying this with all finality, though. What I’m saying is that, the general rule about that,” saysay ni Atillo.
Sa pamahayag usab ni DepEd Secretary Leonor Briones, bisan og dili requirement ang vaccination status sa magtutudlo, sigurado kini nga kadaghanan na sa mga magtutudlo nabakunahan na batok COVID-19.
“We’re only talking of 100 schools, public schools and 20 private schools. Maybe it won’t be an enormous challenge to have vaccinated teachers,” segun ni Briones.

RadyoMaN Kirby Manzon

Facebook Comments