Sa ikatulong higayon, maglusad ug household assessment ang mga personahi sa Department of Social Welfare and Development (DSWD) sa tibook rehiyon sa Caraga diin kagahapong adlawa sila gipang-deploy.
Gipasabot ni Davey Reyes, regional information officer sa DSWD Caraga nga subling mobisita sa panimalay aron magsusi sa tinoud nga kahimtang sa pamuyu diin katuyuan aron makuha ang insaktong datus kung kinsa ang mga “poor” ning rehiyon ug mabutang sa database sa LISTAHANAN sa ilang buhatan.
Dugang pa sa opisyal nga sa tanang programa ug serbisyo sa DSWD karon ug bisan sa umaabot nga panahon, ang database sa LISTAHANAN maoy himoon nilang basehan. Niya pa usab nga bisan sa ubang ahensya sa goberno, Civil Society Organizations, Non-
Government Organization, Academe ug uban pa ang mamahimung mangayo usab ug impormasyon sa LISTAHANAN database sa DSWD (with reports archer capadeso/ivy falcone) [image: dswd davey.jpg]
