Deployment plan sa eleksyon gipangandaman

Davao City – Hugot nga seguridad ang ipatuman sa Commission on Election (COMELEC) sa himuong deployment sa mga election paraphernalia sa taliabot nga 2019 midterm election.

Sa pakighinabi sa DXDC RMN Davao kang Atty. Krisna Samantha Caballero, spokesperson sa COMELEC-XI, gibutyag niini nga kompleto na ang mga gamit sa eleksyon ug ginahulat na lamang ang deployment plan sa mga hired forwarders sa pagpadala og materyales sa taliabot nga piniliay.

“Ginatutukan nato karon ang atoang strategy sa pag-deploy sa atong mga paraphernalia nga gamiton nato sa eleksyon.” segun niini.


Gipaniguro ni Caballero nga masigurong hapsay ang pag transport sa mga gamit sa eleksyon pinaagi sa mga security detail ug security escorts gawas sa seguridad nga ipatuman atol sa mismong adlaw sa eleksyon.

Dugang pa sa opisyal nga nagpahigayon na usab sila og mga final briefing sa mga magtutudlo nga magsilbing electoral boards atol sa piniliay sa Mayo 13, 2019.

RadyoMaN Kirby Manzon

Facebook Comments