Davao City – Hatagan sumala pa’g higayon sa Land Transportation Office (LTO) ang mga indibidwal nga makuha ang ilang mga plaka labi na kadtong nanimuyo sa lagyong mga lugar.
Sa pakighinabi sa DXDC RMN Davao kang Atty. Gomer Dy, Regional Director sa LTO-XI gibutyag niini nga sa 26,927 nga mga plaka, kapin 6,000 na lamang ang nahibilin diin posibleng gipanag-iyahan kini sa mga taga lagyong lugar.
“Hatagan nato sila’g higayon labi na tong taga lagyong lugar.” segun niini.
Sayasay ni Dy nga kung malisdan ang magkuha og plaka tungod sa kalayo sa lugar, mamahimo sumala pang ipadala kini pinaagi sa usa ka courier service. Ila lamang ipadala ang official receipt (OR) ug certificate of registration (CR) sa ilang sakyanan.
Gi-angkon sa opisyal nga aduna usay kakulangan ang buhatan labi na sa pagka delatar sa pag produce sa mga plaka.
RadyoMaN Kirby Manzon
