General Santos City— Nagpahigayon na ug final coordinating conference ang Gensan City Police Office uban ang tanang ahensyang lambigit sa kalilangan 2018.
Sumala kang Police Chief Inspector Jovenson Bayona, tigpamaba sa GSCPO nga tanang mga aktibidad nga dili himuon sa oval plaza, aduna nay gihimuan na ug security plan ang mga police station kung asa ang mga Chief Of Police maoy natahasan nga mahimong ground commander.
Sa karon matud pa nangayo na sila ug dugang deployment gikan sa Police Regional Office 12 alang sa grand opening nga himuon sa Pebrero 22 ug culmination ngapagahimuon sa Pebrero 27.
Dugang pamahayag ni PCI Bayona nga nagsugod na ang deployment sa kapulisan partikular na sa oval plaza human ang gihimong soft opening.
Pahimangno man usab niini sa katawhan nga nagpabiling bawal ang pagdala ug bagpack sulod sa oval plaza ug walay ibutang nga bagage counter sa gawas. Hugot man usab nga ginabawal ang pagdala ug mga hait nga hinagiban ingon man ang pagpanigarilyo ilalom sa city ordinance number 6.
