Depopulation sa baboy sa DavOcc nagpadayon

29

Davao City – Nakab-ot sa Department og Africulture (DA)-XI ang 100% nga depopulation sa mga baboy sa Don Marcelino, Davao Occidental isip lakang batok sa African Swine Fever (ASF).

Sumala pa ni Marivic Hubac, Head Executive Assistant, Davao Occidental, malampusong na depopulate ang anaa sa singko hangtud sa syete mil ka baboy sa Don Marcelino, Davao Occidental diin kini gisugdan niadtong milabay nga semana.


Sa Malita, anaa na sa 4, 115 ang na depopulate gikan sa tulo ka mga barangay. Samtang, karong adlawa, Pebrero 11, 2020 gilaumang muabot usab ang resulta sa ubang samples gikan sa ubang barangay sa Malita.

Samtang, lima ka barangay ang apektado sa ASF sa Jose Abad Santos diin karong adlawa usab magsugod ang culling.

Sa interbyu sa DXDC RMN Davao kang Noel Provido, Spokesperson sa Department of Agriculture (DA)-XI, gipasabot niini nga angay nga hutdon pag cull ang maong mga baboy aron makapahigayon og disinfection human sa maong depopulation.

“So atong buhaton diha i-total ano gyud na siya para i-break nato ang life cycle sa virus. Then after that, mag disinfect ta for thirty days,” saysay ni Provido.

RadyoMaN Kirby Manzon

Facebook Comments