Davao City – Nakaplagan na nga wala nay kinabuhi ang usa ka 29 anyos nga babae gawas sa ilang panimalay sa may Prk. 4, Sitio Guadalupe, Catalunan Grande ning syudad sa Davao alas 7 sa buntag kagahapong adlawa.
Sa interbyu sa DXDC RMN Davao kang Talomo PNP Station Commander PCI Ronald Lao giingong nagpakamatay ang biktima nga si alyas Mae, minyo gamit ang usa ka wire nga maoy gihikot sa iyahang liog.
Sumala ni Lao base ilang imbestigasyon aduna nay mga attempts kaniadto ang biktima.
Matud ni Lao usa sa ilang gilantaw nga hinungdan base usab sa pakighinabi sa mga awtoridad pamilya nga grabeng kaguol tungod kay dili kini makaanak ang posibleng hinungdan sa pagkutlo niini sa iyang kaugalingong kinabuhi.
Base sa sport report gidala ang patayng lawas sa biktina sa Collado Funeral Homes og gipailawom sa autopsy.
RadyoMaN Aimee Guinita
